الزواج المبكر

شو هي اسباب الزواج المبكر؟؟ ..


السبب الرئيسي هو انتشار المشاكل والفتن بين شباب المسلمين ..وهالشي يخلي الاهل يسارعون في تزويج الشاب وهو في سن اصغير ...عسب يبعدونه عن الامور اللي تغضب ربنا ..



وما هي الاضرار المترتبه عليه ؟؟

عدم تفاهم الزوجين ..

اولا لانهم مب في سن يقدرون في الحياة الزوجيه ..

(( البنت ))


معضم البنات ..يتزوجن وما يعرفن يطبخن ..وما يعرفن يديرن البيت ..اكلهن لبسهن وغيره ..الخدامه مشرفه عليه ..فكيف بتقدرن يتاقلمن يالحياه اليديده ..وخاصه اذا يلسن في بيت بروحهن ...


(( الريال ))

في هالسن ..يحب يظهر ..وبزواجه ..استوى مسؤل عن زوجه وبيت وباجر اعيال ..وما بيقدر يتاقلم يالوضع في فتره اقصيره ..لانه يبغي يظهر ويا الربع ويسهر وغيره ..وانتو الشباب اتعرون قصدي ..


فهالامور اتسوي المشاكل بين الزواجين ..

واهم شي اذا البنت ما تبغي المشكله اتزيد بينها وبين ريلها ..ما دخل الاهل في حياتها ,,


ومعروف ان نتيجته الطلاق في معظم الاحيان …بس بغيتكم ترمسون عن مصير البنات اللي يطلقن واعمارهن مابين 15_20 ؟؟؟؟

حرام بصراحه ..تسمعون ان بنيه عرها في ال18 مثلا ..ومطلقه ..

اولا حالتها النفسيه بتتعب

وثانيا بتحس انها انسانه فاشله .

والمشكله بتوكن اكبر لو كان عندها ياهل من طليقها ..لان اليهال بيكون ضحيه ..وما عتقد ان امه بتتحمل مسؤليته ..


وبشو تنصحون الشباب والبنات الي يتزوجن في هالسن ؟؟

افضل شي ان يتثقف الشاب والشابه في هالامور قبل الزواج ..وياخذون فكره كافيه عن الحياه الثانيه اللي بيعيشونها ..



والسموحه شكلي طولت ..

الباقي عليكم