لشــــــاب الذى تهور وخــسر امه في لحظة طيش

بسم الله الرحمن الرحيم
------------------

اقرءوا معي ما كتبه هذا الشاب الذي في لحظة تهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذه... أبكت من لا يبكي

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم امامى يقيدني من الصرخات

ابي اصحى ولكني عجزت القى ال يصحيني

فداك القلب ياأمي ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طائش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

ياامي ارجعي كافي ابجلس معك لو لحظات

واقبل يداك ورجلك وافرش لك رمش عيني

يامي ما تحملهم يقولوا فات ما قد مات

تعالي غيري هالقول واعطييك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يامي ارجعي ياعمري وطفي شمعة الآهات

اريدك انتي ولا غيرك على موتك تعزيني

وضميني وداويني مثل ما كانت الهفوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا قوى ابكيك اذا انتي تبكيني ..

-------------------------------
سامحونى قصيدة صعبة

لشــــــاب الذى تهور وخــسر امه في لحظة طيش Tarek_logo1

لشــــــاب الذى تهور وخــسر امه في لحظة طيش Tarek_logo1

لشــــــاب الذى تهور وخــسر امه في لحظة طيش 68766817